Aan die einde van Augustus 1993 het 'n klein groepie ouers vergader en besluit dat die situasie in die huidige skole onaanvaarbaar is en het toe besluit dat 'n privaatskool in Januarie 1994 moet open en Andries Horn sal die skoolhoof wees en sy eggenote die sekretaresse.

Die gestigte Privaatskool moes:
'n Afrikaanse, Christelike Privaatskool wees
Die 3 predikante van die NG-kerk, Hervormde Kerk en
Gereformeerde kerk op die Skoolraad hê. (Later is 'n direksie deur die ouers verkies en het die reëling verval)

'n skool met 'n hoë standaard wees. Die kinders nie net leer nie, maar Christelik opvoed.

Aanvanklik is die katkisasie lokale van die NG-kerk gehuur en in Januarie 1994 is met 25 kinders (12 in Pre-Primêr, 13 vanaf Graad 1 - 4) en 5 personeellede begin. Twee onderwyseresse het verniet gewerk en een en die sekretaresse het 'n kwart salaris gekry.

​

Alhoewel ons met klein getalle begin het, het al die leerlinge geleentheid gehad om aan buitemuurse aktiwiteite deel te neem soos atletiek, netbal, rugby en gimnastiek. Al 13 leerlinge vanaf graad 1 - 4 het die skool verteenwoordig op ons eerste atletiek-byeenkoms te Omaruru. Die enigste 6 (later 7) dogters het die o/8 netbalspan gevorm en al die seuns het 'n TJOKKER A rugbyspan gevorm. Te danke aan ons buurskole nl. Grootfontein (Wilhelm Nortier), Otjiwarongo (Vooruit), Kombat, Otavi en Francis Galton het ons die geleenheid gehad om teen hulle te kon meeding.

Gou-gou is besef dat 'n koshuis benodig word. Die kantoorkompleks moes ook vergroot word. Dit het meegebring dat 3 huise aan die oorkant van die kerk aangekoop moes word. In hierdie tyd het sommige van ons ouers baie geld bestee en groot opofferings gemaak. Die Here se genade was genoeg. Hy was die lig op die pad. Deur Sy genade kon Andries Horn 'n pragtige, groeiende skool aan oorlede Wicus van Wyk oorgee op 30 April 1996.

Die skool se naam is deur Andries Horn voorgestel
Die skoollied is deur mev. Maritha du Plessis (nou Ayres) geskryf.

Die leuse is deur ds. LSD du Plessis voorgestel
Die skoolwapen is deur Johanna Horn ontwerp (eggenote van Andries Horn)
Die oorspronlike kleredrag is deur die personeel voorgestel.

"Soli deo Gloria" - beteken Aan God alleen al die eer

​

Teen die einde van 1994 het ons gesluit met 31 leerlinge, soos wat ouers al hoe meer vetroue gekry het in die skool.

Andries Horn se wens en bede vir Tsumeb Gimnasium was dat Tsumeb Gimnasium sal groei en as 'n sierraad in Tsumeb en Namibië sal staan. Dat die wil van die Here in hierdie skool gesoek sal word. Ja, dat elke kind, ouer, onderwyser en vriend die Here sal eer in elke daad in hierdie skool. God's ryke seën word hierdie pragtige skool toegebid.

Ons dank Mnr. Andries Horn - die Eerste Skoolhoof van Tsumeb Gimnasium